អង្គការរបស់យើងក្រោមឈ្មោះថា “ គម្រោង Kamonohashi ” (Kamonohashi Project) បានប្រតិបត្តិការនៅក្នុងប្រទេសកម្ពុជាពីឆ្នាំ ២០០៤​មកម្ល៉េះ។​ យើងបានបង្កើត រោងចក្រសហគមន៍របស់យើងនៅភូមិខ្ចាស់ ដែលមានចម្ងាយ ៣៥​គីឡូម៉ែត្រ ពីក្រុងសៀមរាប ក្នុងឆ្នាំ២០០៦។ នៅទីនេះ យើងផ្តល់ការបណ្តុះបណ្តាលទាំងជំនាញវិជ្ជាជីវៈ និងជំនាញជីវិត ដោយបានចំណាយពេលវេលាមួយផ្នែកក្នុងថ្ងៃនីមួយៗ ដើម្បីអភិវឌ្ឍជំនាញទន់  (Soft Skills) ដល់អ្នកផលិតរបស់យើង។ ចាប់ពីឆ្នាំ ២០០៩ ដល់​​ ២០១៧ គម្រោង Kamonohashi បានទទួលអនុស្សរណៈនៃការយោគយល់គ្នា (MoU) ជាមួយក្រសួងការងារ និងបណ្តុះបណ្តាលវិជ្ជាជីវៈ និងក្រសួងការបរទេស និងសហប្រតិបត្តិការអន្តរជាតិ។

 

នៅថ្ងៃទី១៩ ខែមិថុនា​​ ឆ្នាំ២០១៨ គម្រោង Kamonohashi ត្រូវបានប្តូរឈ្មោះទៅជាសាលាស៊ូស៊ូ ជាមួយក្រសួងការបរទេស​ និងសហប្រតិបត្តិការអន្តរជាតិ។

 

សាលាស៊ូស៊ូ (SALASUSU) គឺជាអង្គការក្រៅរដ្ឋាភិបាលអន្តរជាតិ​ (INGO) ដែលបានប្តេជ្ញាចិត្តយ៉ាងមុតមាំក្នុងការគាំទ្រវិស័យអប់រំនៅក្នុងប្រទេសកម្ពុជា។ យើងបានអនុវត្តគម្រោងផ្សេងៗ ដើម្បីគាំទ្រដល់ការកសាងសមត្ថភាពជំនាញទន់នៅក្នុងការបណ្តុះបណ្តាលបច្ចេកទេស និងវិជ្ជាជីវៈ (TVET) ការគាំទ្រការបណ្តុះបណ្តាលគ្រូបង្រៀននៅតាមសាលារដ្ឋ និងការកែលម្អ "សាលាពិសោធន៍" (Laboratory School) ផ្ទាល់ខ្លួនរបស់យើង ស្ថិតក្នុងភូមិខ្ចាស់ ខេត្តសៀមរាប។