សាលា​ពិសោធន៍ ត្រូវបានបង្កើតឡើងដើម្បីបង្ហាញថា គ្រូបង្រៀននៅកម្ពុជាពិតជាអាចបង្កើតថ្នាក់រៀនមួយ ដែលមិនបោះបង់នរណាម្នាក់ចោល។ បច្ចុប្បន្ន មានសិស្សប្រមាណ ៦០ នាក់ ចាប់ពីថ្នាក់ទី ៤ ដល់ទី ៦ មកពីសាលាបឋមសិក្សារដ្ឋនៅក្បែរនោះ បានមកសិក្សានៅទីនេះក្នុងវេនរសៀល (បន្ថែមពីលើនេះ ក៏មានអ្នកម្តាយដែលជាសិប្បករ និងធ្លាប់បានបោះបង់ការសិក្សានៅបឋមសិក្សា បានមកសិក្សារួមគ្នាជាមួយពួកគេផងដែរ)។ សិស្សានុសិស្សតែងតែខិតខំដោះស្រាយលំហាត់ពិបាកៗ ក្នុងមុខវិជ្ជាភាសាខ្មែរ គណិតវិទ្យា សិល្បៈ និងសីលធម៌ រយៈពេល ៤៥ នាទី ដោយការអត់ធ្មត់ និងមិនបោះបង់ពាក់កណ្តាលទីឡើយ។